Útborgun vinninga í EuroJackpot

• Miði keyptur í sölukössum

Vinningar sem eru hærri en 5 milljónir eru greiddir út fjórum vikum eftir útdrátt.  Framvísa skal miða á skrifstofu Getspár/Getrauna sem sér um greiðslu. 
Vinningar sem eru 25.000 krónur eða lægri eru greiddir út á öllum sölustöðum Getspár/Getrauna gegn framvísun þátttökukvittunar. 
Vinnings skal vitjað innan árs frá útdráttardegi, ellegar fellur niður réttur til hans.  

• Áskrift og netmiðar

• Áskrifendur fá vinninga sem eru lægri en 200.000 krónur lagða beint inn á greiðslukortareikninginn sinn strax næsta virka dag eftir útdrátt.  
• Þeir sem versla sér staka miða á netinu fá vinninga lægri en 200.000 krónur greidda inn á spilareikninginn sinn. 
• Ef um hærri vinninga er að ræða er haft samband við vinningshafa.

Skipting vinninga í EuroJackpot

Til vinninga er varið  50% af heildarsölu og skiptast vinningar þannig:

1. 36% vinningsupphæðar skiptast jafnt á milli þeirra raða sem innihalda 5 réttar aðaltölur og 2 réttar stjörnutölur
2. 8,6% vinningsupphæðar skiptast jafnt á milli þeirra raða sem innihalda 5 réttar aðaltölur og 1 rétta stjörnutölu
3. 4,85% vinningsupphæðar skiptast jafnt á milli þeirra raða sem innihalda 5 réttar aðal­tölur
4. 0,8% vinningsupphæðar skiptast jafnt á milli þeirra raða sem innihalda 4 réttar aðal­tölur og 2 réttar stjörnutölur
5. 1% vinningsupphæðar skiptast jafnt á milli þeirra raða sem innihalda 4 réttar aðal­tölur og 1 rétta stjörnutölu
6. 1,1% vinningsupphæðar skiptast jafnt á milli þeirra raða sem innihalda 3 réttar aðal­tölur og 2 réttar stjörnutölur
7. 0,8% vinningsupphæðar skiptast jafnt á milli þeirra raða sem innihalda 4 réttar aðal­tölur
8. 2,55% vinningsupphæðar skiptast jafnt á milli þeirra raða sem innihalda 2 réttar aðaltölur og 2 réttar stjörnutölur
9. 2,85% vinningsupphæðar skiptast jafnt á milli þeirra raða sem innihalda 3 réttar aðal­tölur og 1 rétta stjörnutölu
10. 5,4% vinningsupphæðar skiptast jafnt á milli þeirra raða sem innihalda 3 réttar aðal­tölur
11. 6,75% vinningsupphæðar skiptast jafnt á milli þeirra raða sem innihalda 1 rétta aðaltölu og 2 réttar stjörnutölur
12. 20,3% vinningsupphæðar skiptast jafnt á milli þeirra raða sem innihalda 2réttar aðal­tölur og 1 rétta stjörnutölu

Þau 9% af vinningsupphæðinni sem þá standa eftir renna í jöfnunarsjóð sem hefur það hlutverk að tryggja að fyrsti vinningur sé aldrei undir 10 milljónum evra

Hafi enginn þátttakandi allar fimm aðaltölur og tvær stjörnutölur réttar skal vinningsfjárhæð þess flokks færast til næstu leikviku og koma í hlut þeirra er fá allar fimm aðaltölur og tvær stjörnutölur réttar í þeirri leikviku. Verði heldur ekki neinn þátttakandi með allar aðaltölur og tvær stjörnutölur réttar í þeirri leikviku flyst vinningsfjárhæðin áfram til næstu viku o.s.frv.

Ef útborgun vinninga í fyrsta vinningsflokki fer yfir 120 milljón evra hámarkið verður þeirri fjárhæð sem er yfir markinu bætt við sama útdrátt fyrir annan vinningsflokk. Hámark vinnings­fjárhæða í öðrum vinningsflokki er einnig 120 milljónir evra. Ef útborgun vinninga í öðrum vinnings­flokki fer yfir 120 milljón evra hámarkið verður þeirri fjárhæð sem umfram er bætt við vinningsfjárhæð næsta vinningsflokks fyrir neðan þar sem einn eða fleiri vinningshafar eru.

Vinningslíkur í EuroJackpot

5 réttar aðaltölur og 2 stjörnutölur	1:139.838.160
5 réttar aðaltölur og 1 stjörnutala	1:6.991.908
5 réttar aðaltölur	1:3.107.515
4 réttar aðaltölur og 2 stjörnutölur	1:621.503
4 réttar aðaltölur og 1 stjörnutala	1:31.075
3 réttar aðaltölur og 2 stjörnutölur	1:14.125
4 réttar aðaltölur	1:13.811
2 réttar aðaltölur og 2 stjörnutölur	1:985
3 réttar aðaltölur og 1 stjörnutala	1:706
3 réttar aðaltölur	1:314
1 rétt aðaltala og 2 stjörnutölur	1:188
2 réttar aðaltölur og 1 stjörnutala	1:49

Kærur

Rísi ágreiningur varðandi framkvæmd þessara talnagetrauna skal viðkomandi þátttakandi senda skriflega kæru sem skal hafa borist skrifstofu Íslenskrar getspár fyrir kl. 16 á tuttugasta og fyrsta degi frá og með útdráttardegi að telja. Úrskurðaraðili skipaður af innanríkisráðuneytinu sam­kvæmt 2. mgr. 16. gr. úrskurðar um kæruna innan fimmtán daga frá því að kærufrestur rennur út.

Að öðru leyti vísast til reglugerðar innanríkisráðuneytisins um talnagetraunir Íslenskrar getspár.

Síðast breytt 15. maí 2023