Lottóleikir » Atvinnulaus kona vann tæpar 70 milljónir

Til baka í listaAtvinnulaus kona vann tæpar 70 milljónir
Lottó-fréttir

Seinni vinningshafinn frá því á laugardaginn er búinn að gefa sig fram, atvinnulaus fjölskyldukona sem býr á höfuðborgarsvæðinu.  Það var fyrir tilviljun að hún kom við á Stöðinni á Bústaðavegi, hún var að koma úr Vesturbænum og var alveg við það að verða bensínlaus.   Afgreiðslumaðurinn var sérstaklega elskulegur og þjónustulundaður og bauð henni að kaupa lottómiða, sem hún þáði.  10 raða sjálfvalsseðil sem kostar 1300 krónur.  Hún skoðaði miðann ekki fyrr en eftir hádegið í dag eftir að  hún hafði heyrt að annar miðinn hefði verið keyptur á þessari stöð.   Þegar í ljós kom að þetta var vinningsmiðinn titraði konan og skalf.  Hún setti miðann í veskið og  skellti sér í sturtu og tók veskið með sér inn á baðherbergið því að allt í einu þorði hún ekki að líta af því, samt var hún búin að þvælast með það út um allt og 70 milljón króna lottómiða í veskinu án þess að hún hefði hugmynd um það.  Konan var ekki búin að segja eiginmanninum sínum þessi gleðitíðindi, vildi fullvissa sig um að þetta væri örugglega raunveruleikinn að hún hefði 70 milljón króna vinningsmiða í höndunum.   Það er sannkölluð draumastaða að vera í þeirri aðstöðu að fá að segja maka sínum svona gleðitíðindi. Við óskum vinningshafanum innilega til hamingju með þennan frábæra glaðning.