Lottóleikir » Ætlar að bjarga foreldrum sínum

Til baka í listaÆtlar að bjarga foreldrum sínum
Lottó-fréttir

Það var pollrólegur fjölskyldumaður á fertugsaldri sem mætti til Íslenskrar getspár í morgun en hann er annar hinna heppnu vinningshafa sem vann tæpar 70 milljónir í Lottóinu á laugardaginn. Vinningshafinn spilar oft með í Lottó og Lengjunni og verslar miðana sína á lotto. is . Á föstudaginn fór hann inn á lotto.is líkt og oft áður og átti rúmlega 500 krónur inná spilareikningnum sínum. Hann valdi þrjár raðir í Lottó og veitti því athygli að hann hefði efni á að kaupa eina röð í viðbót sem hann gerði. Á þessum tímapunkti velti hann því fyrir sér að hætta við kaupin og bæta við upphæð inná reikninginn til að geta keypt 10 raða seðil í þessum risapotti. Þá mundi hann eftir að hann hafði einu sinni keypt Lengjumiða og látið ógilda hann og breytt einum leik.  Ef hann hefði ekki breytt þeim leik á Lengjumiðanum hefði hann unnið á miðann, því ákvað hann að kaupa þessar 4 raðir og það var nóg því það var einmitt fjórða röðin sem var með allar 5 tölurnar réttar. Vinningsmiðinn sem gaf þessar tæpu 70 milljónir kostaði því einungis 520 krónur og þessi staðreynd minnir okkur enn og aftur á að það þarf ekki að spila fyrir háar fjárhæðir til að vinna stórt.



Vinningshafinn var ekki í neinum vafa um hvað hann ætlaði að gera við vinninginn, foreldrar hans eru við það að missa heimili sitt og hans fyrsta verk er að bjarga þeim. Við óskum vinningshafanum og fjölskyldu hans innilega til hamingju með þennan glæsilega vinning.