Lottóleikir » Feðgar vinna í Lottó

Til baka í listaFeðgar vinna í Lottó
Lottó-fréttir

Vinningshafinn frá síðasta laugardegi hefur skilað vinningsmiðanum til Getspár en hann vann 15,5 skattfrjálsar milljónir.  Lukkumiðinn var keyptur í Krambúðinni á Selfossi og var 10 raða sjálfvalsmiði með Jóker.  Vinningshafinn, sem er karlmaður á miðjum aldri, fór á heimasíðuna lotto.is á sunnudagskvöldið og sá þá að hann var með allar tölur réttar í næst neðstu línunni.  Sonur hans var staddur hjá honum í heimsókn og staðfesti tölurnar og það skemmtilega vildi til að sonurinn fékk líka vinning en hann var með fjórar réttar tölur á sínum miða sem hann er með í áskrift og vann rúmlega 28 þúsund krónur, skemmtileg tilviljun þar.  

Vinningshafinn ætlar sér að greiða niður skuldir og skreppa til útlanda í eina viku núna í vor.  Starfsfólk getspár óskar þessum heppnu feðgum innilega til hamingju og þakkar þeim og öllum öðrum lottóspilurum fyrir stuðninginn við eignaraðila Getspár sem eru Íþrótta- og Ólympíusamband Íslands, Öryrkjabandalag Íslands og Ungmennafélag Íslands, sá stuðningur skiptir miklu máli.