Lottóleikir » Ung fjölskylda vann 19,3 milljónir króna í Lottó

Til baka í listaUng fjölskylda vann 19,3 milljónir króna í Lottó
Lottó-fréttir

Báðir vinningshafarnir sem skiptu með sér 4falda Lottópottinum um síðustu helgi hafa gefið sig fram við Íslenska getspá.  Annar miðinn var keyptur í Olís við Ánanaust í Reykjavík en hinn er í áskrift og færðu þeir eigendum sínum rúmlega 19,3 milljónir – á mann.  

Eigandi áskriftarmiðans er fjölskyldufaðir með ung börn á höfuðborgarsvæðinu og hann var heldur betur hissa þegar hann fékk símtalið góða frá Getspá þar sem honum var tilkynnt um vinninginn og hann var alveg sannfærður um að einhver vinanna væri að gera grín í sér.  Hann hlakkaði til að segja konu sinni fréttirnar, ætlaði að gera gott „móment“ úr því um kvöldið, kannski setja kampavín í kæli og skála fyrir nýju landslagi í fjármálum fjölskyldunnar.

Hjón á besta aldri, einnig á höfuðborgarsvæðinu, eru eigendur miðans sem var keyptur hjá Olís.  Þau spila reglulega með í Lottóinu og voru sannfærð um að einn daginn myndi sá stóri koma til þeirra.  Það var því verulega gaman að fara yfir miðann og sjá réttu tölurnar birtast eina af annarri.   Þau ætla ekki að sitja ein að þessum nýfengna auð heldur láta gott af sér leiða til samfélagsins.

Starfsfólk Getspár óskar þessum heppnu vinningshöfum innilega til hamingju með þennan glæsilega vinning og þakkar um leið veittan stuðning sem skiptir gríðarlega miklu máli fyrir öryrkja, íþrótta- og ungmennafélögin í landinu þar sem þau njóta góðs af sölu Lottós.