Lottóleikir » Loksins kom að því!

Til baka í listaLoksins kom að því!
Lottó-fréttir

“Loksins kom að því” voru fyrstu orðin sem vinningshafinn frá síðasta lottóútdrætti sagði, er hún fékk símtal frá starfsmanni Íslenskar getspár sem fékk það skemmtilega hlutverk að tilkynna henni að hún væri nú rúmlega 19,5 milljónum krónum ríkari.

Vinningshafinn sem er 86 ára gömul kona keypti sér miða á heimasíðu Getspár, lotto.is en hún segist alltaf kaupa sér miða í gegnum heimasíðuna því það sé bara ofur einfalt og þægilegt. “Ég hef oft fengið litla vinninga en núna er loksins komið að þeim stóra hjá mér” sagði hún glöð í bragði. Eiginmaður konunnar fór ekki að trúa fréttunum fyrr en hann hafði sjálfur sannreynt að símanúmerið sem hringt var úr væri skráð á Íslenska getspá. Hjónin höfðu enn ekki ákveðið í hvað vinningurinn færi en sögðu að það yrði eitthvað mjög svo skemmtilegt.

 

Starfsfólk Getspár óskar vinningshafanum innilega til hamingju með þennan glæsilega vinning.