Stálheppinn miðahafi var einn með allar tölur réttar í Lottó útdrætti dagsins og fær hann rúmar 23,2 milljónir í sinn hlut. Miðinn var keyptur í Lottó appinu. Þrír miðahafar skiptu með sér bónusvinningnum að þessu sinni og fær hver þeirra tæpar 206 þúsund krónur í vinning. Miðarnir voru keyptir í N1 Stóragerði, heimasíðu okkar Lotto.is og einn miðanna er í áskrift.

Einn var með allar tölur réttar og í réttri röð í Jókernum og hlýtur tvær milljónir í vinning. Miðann keypti hann á heimasíðu okkar, lotto.is. Þrír miðhafar skiptu með sér 2.vinningi og fær hver þeirra 100 þúsund krónur. Tveir miðanna voru keyptir í Lottó appinu og einn er í áskrift.