Heppinn áskrifandi var einn með 1. vinning í útdrætti kvöldsins og hlýtur hann rétt rúmar 36 milljónir króna í vinning. Þá skiptu þrír miðahafar bónusvinningnum á milli sín og fær hver þeirra rúmar 392 þúsund krónur. Tveir miðanna voru í áskrift og þriðji miðinn var keyptur í Happahúsinu í Kringlunni.

Enginn var með allar tölur réttar og í réttri röð í Jókernum en fimm miðahafar voru með 2. vinning og fær hver þeirra 100 þúsund krónur í vinning. Miðarnir voru keyptir í Olís Langatanga í Mosfellsbæ, Olís Ánanaust í Reykjavík, tveir miðanna voru keyptir á heimasíðu okkar lotto.is og einn miði var í áskrift.