Lottópotturinn verður tvöfaldur næsta laugardag þar sem enginn var með allar tölurnar réttar í útdrætti kvöldsins. Þrír heppnir miðaeigendur skiptu með sér bónusvinningnum og fær hver þeirra rúmar 153 þúsund krónur hver. Miðarnir voru keyptir á lotto.is, Olís, Ánanaustum í Reykjavík og einn miði er í áskrift.

Enginn var með allar tölur réttar í réttri röð í Jóker kvöldsins en níu voru með 2. vinning og fá 100 þúsund krónur hver. Einn miði var keyptur á lotto.is, einn í Vídeómarkaðinum, Hamraborg í Kópavogi og sjö miðanna eru í áskrift.

Heildarfjöldi vinningshafa var 4.206.