Tveir heppnir miðahafar voru með 1. vinning  í útdrætti kvöldsins og fær hvor þeirra tæpar 4,8 milljónir króna í sinn hlut. Miðarnir voru keyptir á Olís í Norðlingaholti og á vef okkar lotto.is. Þá skiptu einnig tveir miðahafar með sér bónusvinningnum og hlýtur hvor þeirra rétt tæpar 220 þúsund krónur. Annar miðinn var keyptur á N1 við Vesturbraut á Höfn í Hornafirði en hinn miðinn er í áskrift.

Enginn var með allar tölur réttar og í réttri röð í Jóker kvöldsins en 5 miðahafar voru með 2. vinning og fær hver þeirra 100.000 krónur. Tveir miðanna voru keyptir í Jolla í Hafnarfirði, einn í Lottó appinu og tveir miðanna eru í áskrift.