Tveir heppnir miðahafar skipta með sér 1. vinning í Lottó í kvöld. Hvor vinningshafi fær um 4,6 milljónir króna en annar þeirra er í áskrift og hinn keypti miðann í gegnum Lottó appið. Þá voru fimm vinningshafar með bónusvinninginn og fær hver þeirra rúmlega 81 þúsund krónur. Þrír þeirra eru í áskrift, einn miðanna var keyptur í Prinsinum Hraunbæ og sá síðasti hér á lotto.is.

Í Jóker kvöldsins voru einnig tveir miðahafar með 1. vinning og fær hvor um sig 2 milljónir króna í vinning. Annar miðanna var keyptur á lotto.is og hinn í Ísbúðinni Akureyri, Glerártorgi. Fjórir voru svo með 2. vinning í Jóker og fá 100 þúsund krónur hver. Miðarnir voru keyptir í Happahúsinu Kringlunni, Baulunni Borgarnesi, hér á lotto.is og sá síðasti er í áskrift.  

Einn heppinn Lottó miðahafi fær rúmlega 21,5 milljónir í 1. vinning í kvöld en miðinn var keyptur í Lottó appinu. Fjórir miðahafar voru svo með bónusvinninginn og fá rúmlega 236 þúsund krónur í sinn hlut. Tveir miðanna voru keyptir hér á lotto.is, einn á Holtanesti í Hafnarfirði og sá síðasti á Olís Álfheimum.

Þá var einn spilari með allar tölur í réttri röð í Jóker og fær því 1. vinninginn í kvöld. Miðinn var keyptur í Happahúsinu í Kringlunni og fær viðkomandi 2 milljónir króna í vinning. Fjórir voru með 2. vinning í Jóker en tveir miðanna voru keyptir á lotto.is, einn í Lottó appinu og sá síasti á N1 Fossvogi. Hver og einn vinningshafi fær 100 þúsund krónur.

Báðir vinningshafarnir sem skiptu með sér fjórföldum Lottópotti frá 7. ágúst upp á 54.8 milljónir króna hafa gefið sig fram.

Hún var heldur betur hissa og undrandi frúin sem kíkti til okkar í Laugardalinn í gær. Meðferðis hafði hún Lottómiða sem maðurinn hennar hafði beðið hana um að koma til okkar og sækja 27 þúsund króna vinninginn sem hann taldi að á honum væri.  En annað kom í ljós; vinningurinn var ekki 27 þúsund heldur 27 milljónir og tæplega 400 þúsund krónum betur.  Maðurinn hafði farið með miðann á sölustað til að láta skoða hann en bæði hann og starfsmaðurinn lásu upphæðina svona skakkt. Miðinn var bara settur aftur í veskið og beðið eftir næstu ferð í bæinn.  Eigandi þessa miða var á ferðalagi um norðurlandið og keypti þennan gæðamiða í Olís í Varmahlíð. 

Hinn miðinn var keyptur á N1 á Þingeyri, rétt fyrir lokun.  Eigandi hans var að kaupa sér sjeik og „æ láttu mig hafa einn 10 raða með Jóker“.  Hann kom aftur í söluskálann daginn eftir – til að kaupa sér sjeik, var spurður hvort hann hefði hugsanlega keypt vinningsmiðann og mikil var gleðin þegar kom í ljós að það var akkúrat málið.  Hann sagði alveg ljóst í hvað þessi vinningur færi, hann ætlar að kaupa sér íbúð,  og kannski einn sjeik til.

Íslensk getspá óskar þessum stálheppnu vinninghöfum innilega til hamingju með þessa flottu vinninga.

Enginn var með 1. vinning í kvöld og því verður Lottó potturinn tvöfaldur næst. Þá gekk bónusvinningurinn ekki heldur út og flyst upphæðin yfir sama vinningsflokk í næstu viku.

Fimm miðahafar voru með fjórar tölur í réttri röð í Jóker og fá 2. vinninginn í kvöld. Tveir miðanna voru keyptir í Lottó appinu, einn á lotto.is og hinir tveir eru í áskrift en hver og einn vinningshafi fær 100 þúsund krónur í sinn hlut.

Tveir spilarar voru með 1. vinninginn í kvöld og skipta því vinningsupphæðinni á milli sín. Hvor miðahafi fær rúmlega 27,3 milljónir króna í sinn hlut en miðarnir voru keyptir á Olís Varmahlíð og N1 Þingeyri. Þá voru sjö miðahafar með bónusvinninginn og skipta honum á milli sín, 116 þúsund krónur á hvern vinningshafa. Áskrifendur voru heppnir í kvöld en fjórir af sjö vinningshöfum bónusvinningsins voru í áskrift, aðrir miðar voru keyptir í Farðarkaupum, lotto.is og sá síðasti í Lottó appinu.

Sex miðahafar voru með 2. vinning í Jóker sem gefur 100 þúsund krónur á mann. Áskrifendur voru líka heppnir þar en helmingur miðahafa voru í áskrift, tveir miðanna voru keyptir í Lottó appinu og sá síðasti hér á lotto.is.

Við minnum á að hægt er að gerast áskrifandi í gegnum lotto.is.

Lottópotturinn verður fjórfaldur næsta laugardag þar sem enginn var með allar tölurnar réttar í útdrætti vikunnar. Tveir skipta með sér bónusvinningnum og fær hvor þeirra rúmlega 323 þúsund krónur í sinn hlut. Einn miði var í áskrift og hinn var keyptur í Lottó appinu.

Tíu miðahafar voru með 2. vinning í Jóker og fá 100 þúsund krónur hver. Miðarnir voru keyptir í Vídómarkaðinum í Kópavogi, Krambúðinni á Flúðum, Jolla í Hafnarfirði, fjórir á heimasíðu okkar lotto.is og þrír voru í áskrift.

Hann var rólegur og yfirvegaður vinningshafinn í Lottóinu sem kom við í afgreiðslu Getspár í dag með fyrsta vinning upp á 54.5 milljónir króna. Miðinn var keyptur 12. júní síðastliðinn á sölustað N1 í Mosfellsbæ. „Ég er líklega það sem myndi kallast kærulaus lottóspilari“ sagði vinningshafinn aðspurður um hvenær hann áttaði sig á að hann hefði unnið. „Ég fékk lánaðan síma hjá félaga mínum og notaði lottóappið til að skanna nokkra miða og þar kom vinningurinn í ljós. Ég var reyndar heppinn að hafa ekki týnt veskinu mínu nokkru áður með lottómiðanum góða, en það hafði dottið út úr bílnum hjá mér og tók ég bara eftir því fyrir tilviljun.“  Kærulausi lottóspilarinn er ekki sá eini í fjölskyldunni sem hefur unnið 1. vinning í lottóinu  því faðir hann vann fyrsta vinninginn árið 1993. Vinningshafinn hefur ekki ákveðið hvernig hann ætlar að verja miljónunum, en sagði að hluti þeirra færi örugglega til góðgerðarmála.

Lottópotturinn verður þrefaldur í næstu viku þar sem enginn var með allar tölurnar réttar að þessu sinni. Þrír miðaeigendur voru með bónusvinninginn og fær hver þeirra 169.490 krónur í sinn hlut. Miðarnir eru allir í áskrift.
Sjö miðahafar voru með 2. vinning í Jóker og fá 100 þúsund krónur hver. Miðarnir voru keyptir í Krambúðinni á Selfossi, Mini market í Hafnarfirði, Kvikk á Bústaðavegi, Gullnesti v/Gylfaflöt í Reykjavík, tveir eru í áskrift og einn var keyptur hér á lotto.is.

Lottópotturinn verður tvöfaldur í næstu viku þar sem enginn var með 1. vinninginn í útdrætti kvöldsins. Tveir spilarar voru þó með bónusvinninginn og fær hvor vinningshafi rúmlega 213 þúsund krónur í sinn hlut en miðarnir voru keyptir í Lottó appinu og hér á vefnum lotto.is.

Það var heppinn miðahafi sem var einn með allar tölur réttar og fær fyrir það rúmar 10,1 milljónir króna í sinn hlut. Miðinn góði var í áskrift. Einn var með bónusvinninginn og fær hann rúmlega 443 þúsund krónur í sinn hlut, miðinn var einnig í áskrift.

Þá var einn áskrifandi með allar tölur réttar í réttri röð í Jóker og fær því 2 milljónir króna í vinning. Þrír miðahafar voru með fjórar réttar tölur í réttri röð og hlýtur hver þeirra 100 þúsund krónur í vinning. Miðarnir voru keyptir í  Bjarnabúð í Reykholti, á N1 í Fossvogi og einn miði var í áskrift.