Lottópotturinn verður fjórfaldur næsta laugardag þar sem enginn var með allar tölurnar réttar í útdrætti kvöldsins. Einn var með bónusvinninginn og fær hann rúmlega 663 þúsund krónur í sinn hlut. Miðinn var keyptur á heimasíðu okkar, lotto.is.

Einn var með 1. vinning í Jóker og fær hann 2 milljónir króna. Miðinn var keyptur í Olís, Álfheimum 49 í Reykjavík. Þá voru sjö miðahafar voru með 2. vinning í Jóker og fá 100 þúsund krónur hver. Miðarnir voru keyptir á N1, Stórahjalla 2 í Kópavogi, Krambúðinni, Reykjahlíð í Mývatnssveit, Olís, Álfheimum 49 í Reykjavík og fjórir á lotto.is.

Lottópotturinn verður þrefaldur næsta laugardag þar sem enginn var með allar tölurnar réttar í útdrætti kvöldsins. Einn áskrifandi var með bónusvinninginn og fær hann rúmlega 540 þúsund krónur í sinn hlut.

Eftirfarandi breytingar taka gildi í dag í Lottó leiknum. Í fyrsta lagi fjölgar tölunum um tvær, úr 40 í 42 og verður leikurinn því Lottó 5/42 í stað Lottó 5/40. Í öðru lagi  verður einum vinningsflokki bætt við sem er vinningur fyrir 3 réttar tölur og bónustölu og í þriðja lagi hækkar röðin úr 130 krónum í 150 krónur.
Íslensk getspá hóf rekstur á Lottó 5/32 árið 1986. Leiknum var breytt árið 1988 í 5/38 og hélst hann óbreyttur í 20 ár eða til ársins 2008 þegar honum var breytt í Lottó 5/40. Nú, fjórtán árum síðar, breytist leikurinn í 5/42. Breytingarnar fylgja mannfjöldaþróun á Íslandi,  árið 1986 var íbúafjöldi 242 þúsund manns en í ár er hann um 376 þúsund manns.
Verð á lottóröð hækkaði síðast árið 2013 og hefur þannig haldist óbreytt í 9 ár.

Lottó er leikur allra Íslendinga og sem slíkur þarf hann að vaxa og dafna í takt við fjölgun þjóðarinnar. Þetta veltur nefnilega allt á ákveðnu jafnvægi; að algengustu vinningarnir séu ekki of litlir og að reglulega safnist upp þessir margföldu pottar sem við látum okkur öll dreyma um.

Enginn var með fimm réttar tölur og verður potturinn því tvöfaldur í næstu viku. Einn heppinn miðahafi fékk bónusvinninginn og færrúmlega 378 þúsund krónur. Miðinn góði er í áskrift.

Jókerinn gekk ekki heldur út að þessu sinni en þrír áskrifendur voru með 2. vinning og fær hver þeirra 100 þúsund krónur.

Á dögunum staðfesti European Lotteries að Getspá/Getraunir uppfylli staðalinn um ábyrga spilun. Viðurkenningin staðfestir að Getspá/Getraunir eru meðal allra fremstu fyrirtækja á þessu sviði í heiminum. Það var Stefán Konráðsson framkvæmdastjóri Getspár/Getrauna sem tók við viðurkenningunni fyrir hönd fyrirtækjanna frá Hansjörg Holtgemeier forseta European Lotteries og Arjan van´t Veer framkvæmdastjóra European Lotteries. 

Tveir heppnir áskrifendur skiptu 1. vinningi á milli sín og fær hvor þeirra rúmar 4,3 milljónir króna. Þá voru þrír áskrifendur með bónusvinninginn og fá þeir rúmar 127 Þúsund kr. hver.

Tveir heppnir Lottóspilarar skiptu 1. vinningi á milli sín og fær hvor þeirra rúmar 10 milljónir króna. Annar miðinn var keyptur í Hagkaupum í Spönginni, Reykjavík og hinn er í áskrift. Þá voru tveir með bónusvinninginn og fá þeir  240.590 kr. hvor. Miðarnir voru keyptir í Fjarðarkaupum í Hafnarfirði og Olís, Norðlingabraut 7 í Reykjavík.
Einn var með 1. vinning í Jóker og fær hann 2 milljónir króna. Miðinn var keyptur í Lottó appinu. Níu miðahafar hlutu annan vinning í Jóker og fær hver þeirra 100 þúsund krónur. Þrír miðanna eru í áskrift, fjórir voru keyptir á lotto.is, einn hjá N1, Hveragerði og einn í Mosógrilli í Mosfellsbæ

Enginn var með 1. vinning að þessu sinni og verður potturinn því tvöfaldur í næstu viku. Tveir heppnir miðahafar voru með 2. vinning og fá rúmlega 200 þúsund krónur á mann, annar þeirra var keyptur í Appinu og hinn á lotto.is.

Enginn var með allar tölur réttar og í réttri röð í Jókernum en fjórir miðahafar voru með 2. vinning og hlýtur hver þeirra 100 þúsund kall. Þrír miðanna eru í áskrift og einn var keyptur á lotto.is

Heppinn miðahafi var einn með 1. vinning í útdrætti kvöldsins og hlýtur hann rúmlega 34,1 milljónir króna. Vinningsmiðinn var keyptur á lotto.is. Fjórir miðahafar skiptu bónusvinningnum á milli sín og fær hver þeirra rúmlega 151 þúsund krónur í sinn hlut. Einn miði var keyptur í Lottó appinu og þrír miðar voru keyptir á lotto.is.

Enginn var með allar tölur réttar að þessu sinni og verður potturinn því 3faldur í næstu viku! Þrír miðahafar hlutu bónusvinninginn og fær hver þeirra tæplega 160 þúsund krónur. Miðarnir voru keyptir í Olís á Dalvík, Prins Póló í Þönglabakka og í Appinu.

Enginn var með allar tölur réttar og í réttri röð í Jókernum en sjö miðahafar voru með 2. vinning og fá 100 þúsund krónur hver. Miðarnir voru keyptir í Olís Norðlingaholti, Appinu, tveir á lotto.is og þrír þeirra eru í áskrift.