Heppinn Dani var einn með fyrsta vinning í útdrætti kvöldsins og hlýtur hann rúmar 432 milljónir króna í vinning. Þá voru tveir Norðmenn sem skiptu með sér 2.vinningi og hlýtur hvor þeirra rúmar 8,5 milljónir króna í vinning. Hinn al-íslenski 3. vinningur gekk ekki út að þessu sinni. 

Enginn var með allar tölur réttar og í réttri röð í Jókernum en fimm miðahafar voru með 2. vinning og fær hver þeirra 100 þúsund krónur í vinning. Tveir miðanna eru í áskrift, einn miðinn var keyptur í Happahúsinu í Kringlunni, einn á lotto.is og einn á Lottó appinu.