Fyrsti vinningur gekk ekki út að þessu sinni en sex heppnir miðahafar skipta með sér 2. vinningi og hlýtur hver þeirra rúmar 45,6 milljónir króna í sinn hlut. Einn miði var keyptur í Ungverjalandi, einn í Svíþjóð og fjórir í Þýskalandi. Sjö miðahafar skiptu svo með sér 3. vinningi og fær hver þeirra rúmar 22 milljónir króna í sinn hlut. Miðarnir voru keyptir í Ungverjalandi, Finnlandi og fimm í Þýskalandi.

Þrír miðahafar voru með 2. vinning í Jóker og fær hver þeirra 100 þúsund krónur í vinning. Miðarnir voru keyptir í Drekanum, Njálsgötu 23 í Reykjavík, í Lottó appinu og einn miði var í áskrift.

Heildarfjöldi vinninga á Íslandi var 3.011.