Fyrsti vinningur gekk ekki út í kvöld en þrír heppnir miðahafar skiptu með sér 2. vinningi og hlýtur hver þeirra rétt tæpar 106 milljónir króna. Tveir miðanna voru keyptir í Þýskalandi og sá þriðji var keyptur í Tékklandi. Sex miðahafar skiptu svo með sér 3. vinningi og fær hver þeirra rúmar 29 milljónir króna. Þrír miðanna voru keyptir í Þýskalandi, tveir í Póllandi og einn í Svíþjóð. 

Þrír miðahafar voru með 2. vinning í Jóker útdrætti kvöldsins og fær hver þeirra 100 þúsund krónur í vinning. Einn miðinn er í áskrift og hinir tveir miðarnir voru keyptir á Lottó appinu og á heimasíðu okkar, lotto.is.