Getraunaleikir » Fréttir

  • Enski seðillinn tilbúinn á fimmtudag
    Getrauna-fréttir

    Þar sem óvíst er með hvernig leikjafyrirkomulagið verður í Englandi næstu helgi verður Enski getraunaseðillinn ekki gefinn út fyrr en á fimmtudagsmorgun. Lokað er fyrir sölu þangað til.

  • Nýr getraunaseðill á laugardaginn
    Getrauna-fréttir

    Vegna andláts Englandsdrottningar hefur öllum leikjum í efstu deildum í knattspyrnu verið frestað á Englandi.  Því hefur verið ákveðið að búa til nýjan getraunaseðil fyrir laugardaginn og er hægt að tippa á þann seðil á sama hátt og um Enska getraunaseðilinn væri að ræða. Seðillinn gildir í hópleik.  Þeir sem tippuðu fyrr í vikunni á seðilinn sem felldur hefur verið úr gildi, fá ágiskun sína endurgreidda á spilareikning sinn og þeir sem hafa keypt getraunaseðil á sölustöðum fyrr í vikunni, fá hann endurgreiddan í næstu viku, á sölustað eða hjá Íslenskum getraunum, Engjavegi 6. 

  • Andlát drottningar - Enski getraunaseðillinn
    Getrauna-fréttir

    Lokað hefur verið tímabundið fyrir sölu á Enska getraunaseðilinn þar sem ekki er enn ljóst hvort leikið verður í Englandi á morgun laugardag vegna andláts Englandsdrottningar. Getraunir munu bregðast við um leið og frekari fréttir berast. 

  • Fékk 13 milljónir fyrir 13 rétta á Enska getraunaseðilinn
    Getrauna-fréttir

    Íslenskur tippari var einn af 13 tippurum sem var með alla 13 leikina  rétta á Enska getraunaseðlinum á laugardag og fær hver þeirra 13 milljónir króna í sinn hlut.  Hinir tólf tippararnir koma frá Svíþjóð.
    Auk þess var tipparinn með 5 raðir með 12 réttum, 37 raðir með 11 réttum og 186 raðir með 10 réttum og fær hann 1 milljón króna til viðbótar í aukavinninga eða samtals 14 milljónir króna.
    Tipparinn styður við bakið á Íþróttafélagi fatlaðra í Reykjavík, en það var einmitt stuðningsmaður ÍFR sem fékk 13 rétta á síðasta Miðvikudagsseðil. Þess má geta að getraunanúmer ÍFR er 121 fyrir þá sem vilja styðja við bakið á félaginu.

  • Vann 600 þúsund á Miðvikudagsseðilinn
    Getrauna-fréttir

    Það var glúrinn tippari sem var með alla leikina 13 rétta á Miðvikudagsseðlinum í getraunum. Hann keypti kerfismiða með Ú kerfinu U-5-3-128. Þannig þrítryggði hann 5 leiki og tvítryggði 3 leiki og var með 5 leiki fasta með einu merki. Miðinn kostaði 1.664 krónur og þar sem kerfið gekk upp varð tipparinn rúmum 600.000 krónum ríkari. Tipparinn styður við Íþróttafélag fatlaðra í Reykjavík.

  • Tipparar á skotskónum - 6,7 milljónir
    Getrauna-fréttir

    Tipparar voru á skotskónum um verslunarmannahelgina og var einn tippari með alla leikina 13 rétta á Enska getraunaseðlinum og fær hann í sinn hlut 6,7 milljónir króna. Tipparinn tvítryggði 9 leiki, þrítryggði 1 leik og var með 3 leiki með einu merki og kostaði getraunaseðillinn 19.968 krónur. Tipparinn styður Golfklúbb Kópavogs og Garðabæjar.
    Svo bættist aðeins í þjóðhátíðarstemminguna hjá tipparanum frá Vestmannaeyjum sem fékk rúma eina milljón króna fyrir 12 rétta á Sunnudagsseðlinum.

    Þess má geta að risapottur verður í boði á Enska getraunaseðlinum næstkomandi laugardag upp á 170 milljónir króna.

  • Vann 8,2 milljónir í getraunum
    Getrauna-fréttir

    Einn tippari var með alla leikina 13 rétta á enska getraunaseðlinum síðastliðinn laugardag. Alls hljóðaði vinningurinn upp á rúmar 8,2 milljónir króna.  Tipparinn keypti getraunaseðilinn á sölustaðnum Bláhornið á Grundarstíg. Miðinn var með tveim þrítryggðum leikjum og þrem tvítryggðum leikjum og var 144 raðir sem kosta 1.872 krónur.  Tipparinn styður við Íþróttafélag fatlaðra í Reykjavik.

  • Enginn Sunnudagsseðill í þessari viku
    Getrauna-fréttir

    Enginn Sunnudagsseðill verður í boði í þessari viku. Lokað verður fyrir sölu á Enska getraunaseðlinum (Laugardagsseðillinn) á sunnudag kl. 12.00.  Í Getraunadeildinni gilda aðeins úrslit úr Enska getraunaseðlinum. 

  • Verðlækkun í getraunum
    Getrauna-fréttir

    Íslenskar getraunir hafa ákveðið að lækka verðið á hverri getraunaröð úr 14 krónum í 13 krónur.
    Ástæðan er styrking á gengi íslensku krónunnar gagnvart sænsku krónunni en vegna samstarfs Íslenskra getrauna við Svenska Spel um sölu á getraunaseðlum þarf verð getraunaraðar að vera sem næst einni sænskri krónu hverju sinni.

  • Breyttur lokunartími á getraunaseðlunum um helgina
    Getrauna-fréttir

    Athygli tippara er vakin á að lokunartími getraunaseðlanna er breyttur um þessa helgi og víxlast.  Sölu á Sunnudagsseðli lýkur kl. 12.00 á morgun laugardag í stað þess að loka á sunnudegi eins og venjulega.  Sölu á Enska getraunaseðilinn lýkur kl. 14.00 á sunnudag í stað þess að loka á laugardegi eins og venjulega.