„Ég hef aldrei átt svona mikinn pening á ævinni“! Þetta voru orð ánægðs tippara sem hefur gefið sig fram með vinningsmiða í Enska boltanum frá síðasta laugardegi upp á rúmar 28 milljónir króna. Miðinn er sjálfvalsmiði og kostaði 2. 432 krónur. Eigandinn  hafði ekki hugmynd um vinninginn fyrr en hann heyrði umfjöllun í fjölmiðlum og skoðaði í kjölfarið miðann sinn.  Hann kom rakleiðis með miðann og var varla að trúa sínum eigin eyrum þegar hann heyrði vinningsupphæðina. Vinningshafinn er öryrki og er búinn að vera atvinnulaus í langan tíma og kemur vinningurinn sér því mjög vel.   

Íslenskar getraunir óska vinningshafanum innilega til hamingju með vinninginn.