Getraunaleikir » Verð á getraunaröð lækkar

Til baka í listaVerð á getraunaröð lækkar
Getrauna-fréttir

Íslenskar getraunir hafa fengið samþykki hjá innanríkisráðuneytinu fyrir lækkun á verði hverrar raðar í getraunum (1X2) um 1 krónu, úr 16 krónum í 15 krónur. Tekur lækkunin gildi mánudaginn 22. febrúar 2016.

Lokað verður fyrir sölu getraunaseðla (1X2) kl. 13:00 á sunnudaginn 21. febrúar og opnað aftur kl. 09:00 á mánudaginn 22. febrúar.

Ástæða lækkunarinnar er sú að Íslenskar getraunir eiga í samstarfi við Svenska Spel - Sænsku getraunirnar um sölu á getraunaseðlum og kostar hver röð 1 sænska krónu. Íslenskar getraunir verða að selja röðina á svipuðu verði og Svíar þar sem vinningsupphæðir eru reiknaðar út í sænskum krónum. Gengi sænsku krónunnar hefur lækkað undanfarið gagnvart íslenskri krónu og því hafa Íslenskar getraunir ákveðið að lækka verð á getraunaröðinni til samræmis.