Getraunaleikir » Lækkað verð raða á getraunaseðlum

Til baka í listaLækkað verð raða á getraunaseðlum
Getrauna-fréttir

Íslenskar getraunir hafa fengið samþykki frá innanríkisráðuneytinu fyrir lækkun á verði hverrar raðar í getraunum (1X2) um 2 krónur, úr 13 krónum í 11 krónur. Tekur lækkunin gildi í dag,  mánudaginn 3. júlí 2017.

Íslenskar getraunir hafa fengið samþykki frá innanríkisráðuneytinu fyrir lækkun á verði hverrar raðar í getraunum (1X2) um 2 krónur, úr 13 krónum í 11 krónur. Tekur lækkunin gildi í dag, mánudaginn 3. júlí 2017.

Ástæða lækkunarinnar er sú að Íslenskar getraunir eiga í samstarfi við Svenska spel - Sænsku getraunirnar um sölu á getraunaseðlum og kostar hver röð 1 sænska krónu. Íslenskar getraunir verða að selja röðina á svipuðu verði og Svíar þar sem vinningsupphæðir eru reiknaðar út í sænskum krónum. Gengi sænsku krónunnar hefur lækkað undanfarið gagnvart íslenskri krónu og því hafa Íslenskar getraunir ákveðið að lækka verð á getraunaröðinni til samræmis. Samkvæmt lögum þarf að taka ákvörðun um verð á getraunaröð með nokkurra vikna fyrirvara. Á þeim tíma sem liðinn er, hefur gengi íslensku krónunnar veikst töluvert og því möguleiki á að verð raðarinnar verði hækkað aftur.