Getraunaleikir » Unnu 8.3 milljónir í Getraunum

Til baka í listaUnnu 8.3 milljónir í Getraunum
Getrauna-fréttir

Það kom nöskum tippara heldur betur á óvart þegar starfsmaður Getrauna hringdi í hann á mánudagsmorgun og óskaði innilega til hamingju með vinning upp á 8.3 skattfrjálsar milljónir. Tipparinn hafði ekki hugmynd um vinninginn, hann hafði fylgst aðeins með seðlinum á laugardeginum og sýndist hann stefna í 11 rétta en mörk á lokamínútum í leikjum hjá Stoke og Leeds tryggðu honum 13 rétta. Tipparinn styður KR og tippar reglulega með misjöfnum árangri en vildi meina að stundum væri gott að vera klunni.

Annar Íslendingur var með 13 rétta og fær sá 8,3 milljónir króna í sinn hlut. Hann styður  Íþróttafélag fatlaðra í Reykjavík. Þegar einstaklingar tippa hjá Íslenskum getraunum geta þeir merkt við íþróttafélag sem þeir styðja og rennur þá allt að 26% af andvirði miðans til félagsins.

Þess má geta að næsta laugardag verður sérstakur risapottur á Enska getraunaseðlinum þar sem vinningsupphæðin fyrir 13 rétta verður um 320 milljónir íslenskra króna. Er þetta fjórði stærsti risapottur í 67 ára sögu Íslenskra getrauna.