Getraunaleikir » Húskerfið hjá Víkingum slær í gegn

Til baka í listaHúskerfið hjá Víkingum slær í gegn
Getrauna-fréttir

Þrír tipparar voru með 13 rétta á Enska getraunaseðlinum á laugardaginn og fær hver í sinn hlut um 3,5 milljónir króna. Þar á meðal var húskerfi Víkinga en Víkingar hafa verið öflugir í getraunastarfinu. Á laugardögum er safnað saman í húskerfi og tippað á Enska getraunaseðilinn. Húskerfið er þannig uppbyggt að allir þeir sem vilja vera með geta sett upphæð að eigin vali í pottinn. Getraunanefnd Víkings sér svo um að tippa á Enska getraunaseðilinn fyrir upphæðina sem safnast. Hver og einn tippari fær svo vinning í réttu hlutfalli við upphæðina sem hann lagði inn í pottinn. Húskerfið hefur verið í gangi í fimm vikur og hefur skilað tippurum ágætis hagnað sem og Víkingum um 500.000 krónur í áheit og sölulaun frá Getraunum, eingöngu vegna húskerfisins.