Getraunaleikir » Fréttir

  • Með 13 rétta á snjallsímann
    Getrauna-fréttir

    Nokkrir tipparar voru með 13 rétta á Enska getraunaseðlinum og á Sunnudagsseðlinum í síðustu viku. Þar á meðal var glúrinn tippari sem tippaði á sunnudagsmorgni á Sunnudagsseðilinn, ögn dasaður eftir að hafa verið í 50 ára afmælisveislu á laugardagskvöldinu. Hann tippaði í snjallsímanum sínum og keypti S kerfi með 10 leiki tvítryggða og 3 leiki fasta og kostaði miðinn 1.792 krónur. Á sunnudagskvöldið var líðanin mun betri þegar ljóst varð að tipparinn var rúmum 200 þúsund krónum ríkari. Snjallsíminn getur því verið til margra hluta nytsamlegur. 

  • Víkingur með 15.5 milljónir
    Getrauna-fréttir

    Einn sérlega glúrinn íslenskur tippari var með 13 rétta í getraunum í gær laugardag. Tipparinn tippaði á Enska getraunaseðilinn fyrir 5.684 krónur og skiluðu þær krónur 13 réttum og rétt um 15.5 milljónum króna í vasa tipparans.
    Tipparinn keypti miðann síðastliðinn föstudag  á vef Íslenskra getrauna og styður Víking Reykjavík.
     

  • Þúsundkallinn margfaldaðist
    Getrauna-fréttir

    Hann var glúrinn tipparinn sem tippaði á Lengjuna í gær og valdi 7 leiki á seðilinn sinn. Tipparinn reyndist vera með alla leikina rétta og þúsundkallinn sem hann lagði undir varð að 309 þúsundköllum og 900 krónum betur.

  • Fékk 2.6 milljónir fyrir 13 rétta
    Getrauna-fréttir

    Einn glúrinn íslenskur tippari var með 13 rétta á Enska getraunaseðlinum síðastliðinn laugardag. Hann tippaði á opinn seðil með 9 tvítryggða leiki og fékk þannig 512 raðir. Verð miðans var 7.168 krónur. Þrettán réttir gáfu honum rúmar 2.6 milljónir króna og með aukavinningum fer upphæðin í tæpar 3 milljónir. Miðinn var keyptur hjá Skeljungi á Reykjavíkurvegi.

  • 135 milljón króna risapottur
    Getrauna-fréttir

    Nú er enski boltinn farinn að rúlla og af því tilefni hefur verið ákveðið að bæta við fyrsta vinning á Enska getraunaseðlinum. Tryggðar verða um 135 milljónir króna (10 milljónir SEK) fyrir 13 rétta. Það er því ljóst að sumarfríinu er lokið og ástæða til að skoða getraunaseðilinn vel og taka þátt í risapottinum. Lokað verður fyrir sölu kl. 13.00 á laugardaginn.

  • Verðlækkun hjá Getraunum
    Getrauna-fréttir

    Íslenskar getraunir hafa lækkað verð á hverri röð á getraunaseðlunum um eina krónu og kostar röðin því 14 krónur. Lækkunin er til komin vegna styrkingar íslensku krónunnar gagnvart sænsku krónunni. Verð hverrar raðar helst í hendur við verð á röðinni í Svíþjóð þar sem Íslenskar getraunir eru í samstarfi með Svenska Spel um sölu getrauna og vinningsupphæðir eru reiknaðar í sænskum krónum.

  • Glúrinn Þróttari með 2.5 milljónir
    Getrauna-fréttir

    Það var glúrinn stuðningsmaður Þróttar í Vogum sem keypti miða á N1 í Vogunum á Miðvikudagsseðilinn og fékk 13 rétta. Hann keypti 192 raðir á 2.880 krónur og skiluðu 13 réttir honum rétt um 2.5 milljónum króna í vinning. 

  • Leikur fjarlægður af getraunaseðlum
    Getrauna-fréttir

    Sænsku getraunirnar, sem eru samstarfsaðili Íslenskra getrauna, hafa ákveðið að fjarlægja leik Assyriska af getraunaseðlum vikunnar.  Það verður því uppkast sem gildir þegar úrslitin verða ákvörðuð á leik nr. 10 á Laugardagsseðlinum og á leik nr. 2 á Sunnudagsseðlinum.

    Um er að ræða leik Assyriska gegn IK Sirius í sænsku 1. deildinni.

  • England - Ísland 368% útborgunarhlutfall!!!!!
    Getrauna-fréttir

    Íslenskar getraunir töldu Englendinga mun sigurstranglegri í leik Englands og Íslands sem fram fór í gærkvöld. Íslenskir tipparar voru ekki á sama máli og tippuðu langflestir á sigur Íslands og höfðu rétt fyrir sér þegar íslenska liðið tryggði sér sigurinn eftir frábæran leik.

     

  • Einn Íslendingur með 13 rétta
    Getrauna-fréttir

    Einn íslenskur tippari var með alla leikina 13 rétta á Miðvikudagsseðlinum. Hann hafði því fulla trú á að Ísland myndi vinna Austurríki í kvöld eins og reyndin varð og væntanlega hefur tipparinn stokkið manna hæst upp úr stólnum þegar Arnór Ingvi Traustason skoraði sigurmark Íslands og tryggði tipparanum rétt um 4 milljónir króna í vinning.