Getraunaleikir » Útreikningur vinninga

Útreikningur vinninga

Útreikningur vinninga Íslenskar getraunir eru í samstarfi með Svenska Spel sem reka Getraunir í Svíþjóð. Þess vegna stýrist bæði verð getraunaraðar og upphæð vinninga að hluta til af gegni sænsku krónunnar. Samstarfið gefur Íslenskum getraunum möguleika á að bjóða upp á jafn háa vinningspotta og raun ber vitni.

Vinningsupphæðin í Getraunum er fundin út með því að margfalda fjölda seldra raða með 0,65. Til að fá vinningsupphæðina í íslenskum krónum er hún margfölduð með gengi sænsku krónunnar á hverjum tíma.

Áður en vinningsflokkur er greiddur út er vinningsupphæðin fyrir hverja röð í hverjum vinningsflokki fyrir sig, lækkuð í næstu jöfnu krónu í Svíþjóð.
Á Íslandi er vinningsupphæð fyrir hverja röð lækkuð um 1% og síðan niður í næsta jafna tug.

Mismunandi útreikningur er á vinningsupphæðum á milli Enska seðilsins og Evrópuseðlanna.
Vinningsupphæðin í Enska seðlinum skiptist þannig milli flokka
40% af vinningsupphæðinni fer í 1. vinning (13 rétta)
15% af vinningsupphæðinni fer í 2. vinning (12 rétta)
12% af vinningsupphæðinni fer í 3. vinning (11 rétta)
25% af vinningsupphæðinni fer í 4. vinning (10 rétta)
8% af vinningsupphæðinni fer í tryggingasjóð sem tryggir að vinningur verði aldrei lægri en 10 milljónir sænskra króna ef einn stakur tippari er með 13 rétta.

Vnningsupphæðin í Evrópuseðlunum skiptist þannig milli flokka
40% af vinningsupphæðinni fer í 1. vinning (13 rétta)
23% af vinningsupphæðinni fer í 2. vinning (12 rétta)
12% af vinningsupphæðinni fer í 3. vinning (11 rétta)
25% af vinningsupphæðinni fer í 4. vinning (10 rétta)
Ekki er tryggingasjóður í Evrópuseðlinum.

Dæmi um útreikning í 1. vinningsflokki (13 réttir) í Enska seðlinum
Forsendur fyrir útreikningi eru:
20.000.000 raðir eru seldar í Svíþjóð, 400.000 raðir eru seldar á Íslandi. Gengið er 16 krónur og verð raðar er 16 krónur. Alls koma fram 7 raðir með 1. vinning.

20.000.000 X 0.65 =13.000.000 Skr sem myndar vinningspott
13.0000.000 X 16 (sem er gengið) = 208.000.000 Íkr.
400.000 X 0.65 = 260.000 Skr sem myndar vinningspott
260.000 X 16 (sem er gengið) = 4.160.000 Íkr
Samtals er því vinningsupphæðin 208.000.000 + 4.160.000 = 212.160.000 Íkr.
40% af upphæðinni fer í 1. vinning (13 rétta)
Svíþjóð; 13.000.000 Skr X 40% = 5.200.000 Skr x 16 = 83.200.000 Íkr
Ísland; 260.000 Skr X 40% = 104.000 Skr X 16 = 1.664.000 Íkr.
Samtals 1. vinningur fyrir 13 rétta er 83.200.000 + 1.664.000 =84.867.000 Íkr
7 raðir koma fram með 13 rétta:
Svíþjóð: 5.200.000/7 = 742.857,14 X 16 = 11.885.714,24 Íkr.
Ísland: 104.000/7 = 14.857,14 X 16 = 237.714,24 Íkr
Samtals: 11.885.714,24 + 237.714,24 = 12.123.428,48
Dregið frá 1%: 12.123.428,48 X 1% = 12.002.194,20
Lækkað niður í næsta tug: 12.022.194,20 Íkr lækkar í 12.022.190 Íkr sem tipparar fá fyrir 13 rétta

Sama aðferð er notuð við útreikning á 2. 3. og 4. vinningsflokki.