Getraunaleikir » Getraunadeildin

Getraunadeildin

Getraunadeildin (áður Hópleikur) - Sjá eldri úrslit

Vertu með í Getraunadeildinni og kepptu við aðra tippara um glæsileg verðlaun. 

Getraunadeildin er 10 vikna keppni í 1x2 Íslenskra Getrauna. Þú skráir þig til leiks, tippar á Enska og/eða Evrópuboltann og færð stig fyrir árangurinn í hverri viku. Átta bestu vikurnar þínar gilda til úrslita en tvær lélegustu núllast út.

Keppnin fer fram í þremur deildum og veitt eru vegleg verðlaun fyrir fyrstu þrjú sætin í hverri deild.

Þátttaka í leiknum er afar einföld og kostar ekkert aukalega. Skráðu þig og sýndu snilli þína!

Vinningar

Glæsileg peningaverðlaun fyrir efstu þrjú sætin í hverri deild.

Í 1. deild eru verðlaunin:

70.000 kr. fyrir 1.sætið, 60.000 fyrir 2.sæti og 50.000 kr. fyrir 3.sæti

Í 2. deild eru verðlaunin:

60.000 kr. fyrir 1.sætið, 50.000 kr. fyrir 2.sæti og 40.000 kr. fyrir 3.sæti

Í 3. deild eru verðlaunin:

50.000 kr. fyrir 1.sætið, 40.000 kr. fyrir 2.sæti og 30.000 kr. fyrir 3.sæti.

Auk þessa fá þau lið sem lenda í þrem efstu sætunum í hverri deild í fyrstu fjórum deildakeppnunum á árinu, alls 12 lið að hámarki í hverri deild,  tækifæri til að keppa um Íslandsmeistaratitilinn. Þar eru fyrstu verðlaun 100.000 krónur.

Leikreglur

Hver umferð Getraunadeildarinnar stendur í 10 vikur í senn og eru því fimm umferðir á hverju ári og frí í tvær vikur.

Verði lið jöfn í einhverju af þrem efstu sætunum fer fram bráðabani næstu helgi eða helgar þar til úrslit fást.

Skráning

Í valmynd skráningar ákveður þú hvaða félag þú vilt styrkja. 10% af upphæðinni sem þú tippar fyrir rennur beint til félagsins sem þú velur að styrkja.

Þú velur númer og nafn á liðið þitt og skráir svo inn umbeðnar upplýsingar og smellir á „Vista”.  

Þegar þú tippar í getraunum eftir þetta á netinu, skráist vinningafjöldinn sem þú færð, sjálfkrafa í Getraunadeildina undir nafninu sem þú valdir.  

Þegar þú tippar í sölukassa verður þú að merkja við númer íþróttafélagsins sem þú ætlar að styrkja og einnig númer þíns liðs ætlir þú að taka þátt í Getraunadeildinni. Það er gert með því að strika yfir tölurnar á getraunaseðlinum.

Hægt er að fylgjast með árangri liðsins hér á síðunni með því að smella á 1.deild, 2.deild og 3.deild

Staðan í Getraunadeildinni

Hópleikur - gamalt

Deildaskipting

Getraunadeildinni er skipt innbyrðis í þrjár deildir og er það gert til þess að þeir sem kaupa fáar raðir geti keppt á jafnréttisgrundvelli við tippara í svipaðri stöðu.  Þeir sem kaupa margar raðir gera þá slíkt hið sama.

Reglan um skiptingu raða í deildir er eftirfarandi:

Fyrstu 162 raðirnar fara í 3 deild, 2 deild og 1 deild

Raðir umfram 162 upp að 676 röðum fara aðeins í 2. deild og 1 deild

Raðir umfram 676 raðir upp að 1.653 röðum fara aðeins í 1 deild.

Raðir umfram 1.653 raðir taka ekki þátt í Hópleik.

Þetta skýrir hvers vegna sama liðið getur verið ofarlega í öllum deildum og hvers vegna sama liðið getur fengið 9 rétta í 3 deild en 10 rétta í 2 deild. Þá hefur röðin sem var með 10 rétta verið t.d. í sæti 200, þ.e. umfram 162 fyrstu raðirnar sem fara í 3 deild.

Tölurnar 11/10 þýða að þátttakandi hefur fengið 11 rétta í enska boltanum, en 10 rétta í Evrópuboltanum á sunnudegi. Hærri talan gildir þegar staðan er reiknuð í Getraunadeildinni hverju sinni. Gangi illa í Enska boltanum gefst tippurum tækifæri til að ná sér á strik í Evrópuboltanum á sunnudegi. Úrslit í Miðvikudagsseðlinum gilda ekki í Getraunadeildinni.

Innsendar raðir

Það skiptir máli hvernig raðirnar eru sendar inn til Íslenskra getrauna

Reglan varðandi röðun raða inn í kerfið er eftirfarandi:

                1              Merktar forgangsraðir í félagakerfinu

                2              Raðir úr félagakerfinu

                3              Raðir frá vefnum og úr snjalltækjkum

                4              Raðir úr sölukössum.