Getraunaleikir » Spilareglur Lengjunnar

Spilareglur Lengjunnar

A. Almennar Reglur

Lengjan er leikur þar sem hægt er að tippa á úrslit íþróttakappleikja.

Lengjan hóf göngu sína árið 1995 og hefur starfað óslitið síðan. Hagnaður af rekstri leiksins rennur til íþróttahreyfingarinnar á Íslandi.

Hægt er að tippa á Lengjuna á sölustöðum, á netinu eða í gegn um GSM síma. Tippari velur táknið 1 ef hann telur að fyrrnefnda liðið fari með sigur af hólmi, X fyrir jafntefli og 2 fyrir sigur síðarnefnda liðsins.
Hægt er að tippa á 3 og upp í 10 leiki. S merkta leiki er hægt að tippa á staka eða tvo saman.

Leik í Lengjunni telst hafa lokið með þeim úrslitum sem fyrir lágu við lok venjulegs leiktíma.

Stuðlar

Við hvern leik sem tippari velur að tippa á fær hann ákveðinn stuðul, en stuðull er talan sem gefur til kynna hversu háa upphæð tippari fær í vinning sé hann með alla leiki rétta. Því hærri sem stuðullinn er, því hærri verður vinningurinn. Hár stuðull gefur til kynna ólíkleg úrslit, lár stuðull gefur til kynna líkleg úrslit.

Dæmi:

Leikur    Stuðlar  
 Valur – Fram    1.50 – 3.00 – 4.00
 KR – Breiðablik    2.35 – 2.55 – 2.35  
 Liverpool – Man. Utd.    1.90 – 2.75 – 2.80  


Tippari velur heimasigur í öllum leikjum.

Stuðulinn verður 1.5 x 2.35 x 1.90 = 6.7. Leggi tippari 1.000 kr. undir vinnur hann 6.700 krónur reynist ágiskun hans rétt (6,7 x 1000 kr.). Verið ágiskun tippara röng, tapar hann 1.000 krónunum sem hann lagði undir.

Velji tippari útisigur í öllum leikjum fær hann eftirfarandi stuðul:
4.00 x 2.35 x 2.80 = 26.32 og leggi hann 1.000 kr. undir og ágiskunin er rétt fær hann 26.320 krónur í vinning.

Vinningar

Vinningar eru greiddir út næsta virka dag eftir að leikjum líkur. Leiki vafi á úrslitum leiks geta Getraunir frestað útborgun vinninga þar til getraunaumferðinni sem leikurinn tilheyrir er lokið.
Til að ágiskun teljist rétt skal að minnsta kosti tveim leikjum hafa lokið innan umferðar, annars fellur þátttakan niður og þátttökugjald er endurgreitt. Undantekning frá þessu er ef leikur er S merktur eða boðinn stakur. Þá ræður sá leikur útkomu getraunarinnar.

Ógilding

Heimilt er að ógilda þátttöku sé það gert sama dag og kaup fara fram og það tímalega að ekki sé búið að loka fyrir sölu á leikjum sem ágiskun tekur til. Ekki er  hægt að hætta við þegar búið er að tippa í Lengjan beint.

Kerfi

Alls eru 12 kerfi í boði eins og sjá má í meðfylgjandi töflu. Taflan sýnir fjölda kerfa, hversu margar samsetningar eru í hverju kerfi og hversu margar réttar raðir viðskiptavinur fær.

   7 réttir  6 réttir 5 réttir 4 réttir 3 réttir  2 réttir
2/6 - 15 10 6 3 1
2/5 -  - 10 6 3 1
2/4 -  -  - 6 3 1
2/3 - - - - 3 1
3/6 - 20 10 4 1 0
3/5 - - 10 4 1 0
3/4 - - - 4 1 0
4/6 - 15 5 1 0 0
4/5 - - 5 1 0 0
5/7 21 6 1 0 0 0
5/6 - 6 1 0 0 0
6/7 7 1 0 0 0 0


Nú geta tipparar t.d. tippað á 5 leiki á Lengjunni og dugar að hafa 3 leiki rétta til að fá vinning. Hægt er að raða þrem leikjum af fimm upp á 10 vegu. Upphæðin sem tippað er fyrir margfaldast því með 10. Ef viðskiptavinurinn er með alla 5 leikina rétta þá fær hann 10 vinninga, þ.e. allar raðirnar. Fyrir 4 leiki rétta fær hann 4 vinninga og 1 vinning ef hann er með 3 leiki rétta.

Dæmi: Kerfi 3/5. Tippað fyrir 100 kr. Verð miða 1.000 kr.

    Stuðull Val Úrslit
Leikur 1 Breiðablik – HK 2.0 1.0 1.0
Leikur 2 Valur – KR 3.0 1.0 1.0
Leikur 3 ÍR – Fram   1.5 1.0 1.0
Leikur 4 Haukar – FH  2.0 1.0 1.0
Leikur 5 KA – Þór 3.0 2.0 1.0

 

Mögulegar samsetningar:

Leikir 1,2,3 Leikir 1,2,4 Leikir 1,2,5 Leikir 1,3,4
Leikir 1,3,5 Leikir 1,4,5 Leikir 2,3,4 Leikir 2,3,5
Leikir 3,4,5 Leikir 2,4,5    

 

Samkvæmt ofangreindu dæmi fær tippari 4 leiki rétta af 5 sem hann valdi þ.e. leiki 1,2,3 og 4

Allar samsetningar sem innihalda leik 5, þ.e. KA – Þór eru rangar og fá ekki vinning.
Tipparinn fær því fjórar samsetningar greiddar eins og fram kemur í töflunni hér að ofan.

Samsetningarnar eru:
          Leikir 1,2,3 með heildarstuðul 9 x kr. 100 = kr. 900
          Leikir 1,2,4 með heildarstuðul 12 x kr. 100 = kr. 1.200
          Leikir 1,3,4 með heildarstuðul 6 x kr. 100 = kr. 600
          Leikir 2,3,4 með heildarstuðul 9 x kr. 100 = kr. 1.800
          Samtals vinningar = kr. 3.600

Vinningsupphæð fer svo eftir stuðlunum í hverri réttri samsetningu.

Upplýsingar                    

Hér að neðan eru útskýringar á þeim atriðum sem hægt er að tippa á í Lengjunni og í Lengjan beint.
 Í Lengjunni getur þú tippað á hvort leikir enda með heimasigri, jafntefli eða útisigri. Þú getur tippað á sérmerkta leiki staka, eða frá þrem og upp í tíu leiki í samsetningu. Veljir þú fleiri en einn leik margfaldast stuðlarnir sem þú velur með upphæðinni sem þú tippar fyrir. Hægt er að tippa á hver gerir fyrsta markið, hvaða lið leiðir í hálfleik, hversu mörg mörk verða skoruð og fleiri hliðarveðmál. Í Lengjunni lokar fyrir sölu leikja fimm mínútum áður en leikur hefst en í Lengjan beint er hægt að tippa á leikinn meðan á honum stendur. Ekki er  hægt að hætta við þegar búið er að tippa í Lengjan beint. Hámarksupphæð sem tippa má fyrir á dag er 100.000 krónur í öllum leikjum.

Kerfi
Hægt er að kaupa kerfisseðil á Lengjunni og velja á milli nokkurra kerfa svo sem að tippa á fimm leiki en þrír þurfa að vera réttir til að fá vinning.

1X2
Hér er tippað á hvort leikur endar með heimasigri, jafntefli eða útisigri.

Úrslit fyrri hálfleiks
Hér er tippað á lokastöðu í fyrri hálfleik.

Forgjöf
Hvort leikur endar með heimasigri, jafntefli eða útisigri en annað liðið fær forgjöf áður en leikur hefst

Yfir/undir
Hér er tippað á hvort fjöldi marka/stiga í leiknum verði yfir eða undir fyrirfram ákveðinni markatölu.

Úrslit
Hér er tippað á úrslit leiksins og getur niðurstaðan verið í formi marka, stiga osfrv.

Hálfleikur/lokaúrslit
Hér er tippað á stöðuna í hálfleik og lokastöðu. Sem dæmi að þá þýðir X/2 að staðan hefi verið jöfn í hálfleik en útiliðið unnið leikinn.

Fyrsta markið
Hér er tippað á hvaða leikmaður gerir fyrsta markið. Ef leikmaðurinn byrjar ekki leikinn eða er skipt inná eftir að leikur er hafinn, fær tippari endurgreidda upphæðina sem hann tippaði fyrir. Ef leikmanni sem tippað er á að skori mark er skipt útaf og skorar ekki mark, fær tippari upphæðina ekki endurgreidda. Sjálfsmörk telja hvorki sem fyrsta mark né sem skorað mark. Niðurstaðan verður „enginn markaskorari“ og á það við í öllum viðburðum sem tengjast markaskorun.

 

Gerir hann mark í leiknum
Hér er tippað á hvort tiltekinn leikmaður geri mark í leiknum. Ef leikmaðurinn byrjar ekki leikinn eða er skipt inná eftir að leikur er hafinn, fær tippari endurgreidda upphæðina sem hann tippaði fyrir. Ef leikmanni sem tippað er á að skori mark er skipt útaf og skorar ekki mark, fær tippari upphæðina ekki endurgreidda.

Síðasta markið
Hér er tippað á hvaða leikmaður gerir síðasta markið. Sé tippað á leikmann sem ekki tekur þátt í leiknum, endurgreiðist upphæðin sem tippað er fyrir.

Markaspáin
Hér er hægt að tippa á hvaða leikmaður gerir síðasta markið og hvernig leiknum lýkur

Fjöldi marka
Hér er tippað á hversu mörg mörk verða skoruð í leiknum

Hvort liðið skorar
Hér er hægt að tippa á hvort liðið skorar mark, hvort bæði liðin skori mark eða ekkert mark verði skorað.

Rétt lokastaða
Hér er tippað á lokastöðu leiksins, hvort honum ljúki 1:0, 3:0 eða 1:2 svo dæmi séu tekin

Rétt úrslit (með öðrum)
Hér er tippað á lokastöðu leiksins eins og í markatölu, nema að tipparar geta jafnframt valið Önnur úrslit sem eru þá öll úrslit sem ekki eru tiltekin sérstaklega.

Úrslit leiks og fjöldi marka 1.5 (2.5, 3.5 osfrv.)
Hér er hægt að tippa á úrslit leiksis og hversu mörg mörk verða skoruð í leiknum. Dæmi er að hægt er að tippa á að heimaliðið vinni og að skoruð verði fleiri en 1.5 mark í leiknum.

Rétt úrslit í fyrri hálfleik og rétt lokastaða
Hér er hægt að tippa á hvernig úrslitin verða í lok fyrri hálfleiks og hvernig úrslitin verða við lok leiks. Tippari þarf að hafa markatöluna rétta á báðum stöðum. Sem dæmi er hægt að tippa á að fyrri hálfleik ljúki með 0-1 og að lokastaðan verði 2-1.

Tvöfaldur möguleiki
Hér er hægt að tippa á lokaúrslit í leik og fær tippari tvo möguleika. Endar leikurinn 1X, 12 eða X2 þar sem 1 stendur fyrir heimasigur, X fyrir jafntefli og 2 fyrir útisigur. Sé tippað á 1X og leikurinn endar með heimasigri eða jafntefli, vinnur tipparinn. Endi leikurinn með útisigri, tapar tipparinn.

Sigurinn
Hér er hægt að tippa á hver þátttakanda stendur uppi sem sigurvegari í móti. Keppendur geta bæði verið lið og einstaklingar.

Einvígið
Hér er hægt að tippa á hvaða tilteknir þátttakendur standa sig best í keppni. Þátttakendur geta verið hvort heldur lið eða einstaklingar.

Maður á mann
Hér er hægt að tippa á hver af tveim eða þrem þátttakendum nær bestum árangri í keppninni. Þátttakendur geta verið hvort heldur lið eða einstaklingar.

Staðsetning
Hér er hægt að tippa á hvaða þátttakendur í tilteknu móti verða í efstu sætunum, t.d. hvaða lið  í ensku úrvalsdeildinni endar meðal þriggja efstu liðanna. Þátttakendur geta verið hvort heldur lið eða einstaklingar.