Enginn var með allar aðaltölurnar auk stjörnutalnanna að þessu sinni og flyst því vinningsupphæðin yfir á 1. vinning í næstu viku. Sextán miðahafar skiptu með sér 2. vinningi og hlýtur hver þeirra rúmlega 22,7 milljónir. Miðarnir voru keyptir í Eistlandi, tveir í Ungverjalandi og þrettán í Þýskalandi.

Sautján miðahafar skiptu með sér 3. vinningi og þar af var einn heppinn Íslendingur! Fá þeir rúmar 9,5 milljónir hver. Miðarnir voru keyptir í Danmörku, Eistlandi, Svíþjóð, Finnlandi, tólf í Þýskalandi og á Íslandi var miðinn keyptur í N1, Kaupvangi 5 á Egilsstöðum.

„Oft er mann búið að dreyma um þetta og algjörlega magnað að þessi draumur sé nú orðinn að veruleika“ sagði Lottóvinningshafinn frá því um síðustu helgi.  Hann og fjölskylda hans duttu aldeilis í lukkupottinn þegar þau smelltu sér á miða í Lottóappinu góða, sem reyndist vera eini miðinn með allar tölurnar réttar og færði þeim u.þ.b. 55,5 skattfrjálsar milljónir í vinning. 
Hjónin búa á landsbyggðinni og eiga þrjú börn, þau áttuðu sig á að þau væru með vinningsmiða en þorðu ekki að fagna fyrir en eftir að hafa fengið staðfestingu hjá starfsfólki Getspár.  Það var því ekki mikið sofið það sem eftir lifði helgarinnar, þvílík var spennan.

Enginn var með allar tölur réttar í útdrætti vikunnar og flyst því upphæð 1. vinnings til næstu viku og nálgast potturinn nú fjóra milljarða.  Einn var með 2. vinning og keypti hann miðann sinn í Noregi, fær hann rúmlega 38 milljónir í vinning.  Hinn al-íslenski 3. vinningur gekk einnig út og skiptist á fjóra miðaeigendur, einn þeirra keypti miðann á heimasíðunni okkar lotto.is en hinir þrír eru allir í áskrift.

Einn var með 2. vinning í Jóker og fær 100 þúsund kall í vinning, miðinn var keyptur á lotto.is