Um okkur » Bensín í Borgarfirði !!

Til baka í listaBensín í Borgarfirði !!
Fréttir



Vinningshafinn sem var svo heppinn að eiga miðann með bónusvinningnum í Víkingalottóinu s.l. miðvikudag er búinn að gefa sig fram við Íslenska getspá.



Hann býr í Borgarfirðinum og ákvað um hádegisbilið á miðvikudaginn að gera sér ferð í Hyrnuna í Borgarnesi til að kaupa sér Víkingalottómiða – og keypti reyndar bensín í leiðinni.



Eins og venjulega keypti hann 10 raðir og lét sölukassann velja tölurnar.. og viti menn, þegar úrslit voru kunn kom í ljós að það var einmitt þessi miði sem var með 5 tölur réttar auk bónustölu. Og þar með var borgfirðingurinn orðinn tæplega 13 milljónum króna ríkari og eins og gefur að skilja var hann alsæll með þennan glæsilega vinning.



Næsta miðvikudag stefnir 1. vinningur í Víkingalottóinu í 90 milljónir og Ofurpotturinn í 500 milljónir. Fyrsti vinningur gæti því orðið tæpar 600 milljónir ef Ofurtalan verður ein að aðaltölunum – og því til verulega mikils að vinna.