Um okkur » Lottó - fjórir með 1. vinning - 27 milljónir á mann !

Til baka í listaLottó - fjórir með 1. vinning - 27 milljónir á mann !
Lottó-fréttir

Alls voru það 15,497 miðahafar sem fengu vinning þegar við drógum út 6faldan Lottópott vikunnar, af þeim voru fjórir lang heppnastir en þeir skiptu með sér 1. vinningi og hlýtur hver þeirra rúmlega 27,1 milljón króna.  Miðana keyptu þeir á eftirtöldum stöðum; Krambúðinni við Hjarðarhaga í Reykjavík, Mini Market við Smiðjuveg í Kópavogi, Skalla við Hraunbæ í Reykjavík og í Vidóemarkaðnum við Hamraborg í Kópavogi.  Það voru einnig fjórir sem skiptu með sér bónusvinningnum og hver þeirra hlýtur rúmlega 363 þúsund í vinning. Tveir miðanna voru keyptir í Appinu góða og tveir á lotto.is.

Einn var með allar Jókertölurnar réttar og í réttri röð og fær hann 2 milljónir í vinning, miðinn er í áskrift.  Þá voru níu miðaeigendur með 2. vinning og fá 100 þúsund kall í vasann, tveir miðanna eru í áskrift og tveir voru keyptir á lotto.is.  Holtanesti í Hafnarfirði, Bitinn í Reykanesbæ, Prinsinn í Hraunbæ í Reykjavík og N1 á Blönduósi seldu hver sinn miðann og þá var einn keyptur í Appinu.