Um okkur » Fréttir

  • Afgreiðslan lokar kl. 14:30 í dag
    Fréttir

    Vegna slæmrar veðurspár mun afgreiðsla Íslenskrar getspár loka klukkan 14:30 í dag. Við opnum síðan aftur á venjulegum tíma á miðvikudag. 
    Sölukerfið verður að sjálfsögðu opið og hægt að kaupa í öllum leikjum.

  • Lottó - 1. vinningur til Akureyrar
    Lottó-fréttir

    Viðskiptavinur sem lagði leið sína í Hagkaup á Akureyri hafði lukkudísirnar í sínu liði þegar hann verslaði sér lottómiða en miðinn góði var sá eini með allar tölurnar réttar í útdrætti vikunnar.  Eigandi hans er núna 8,4 milljónun króna ríkari, ekki amalegt að fá þvílíka búbót svona rétt fyrir jólin.  Tveir skiptu mér sér bónusvinningnum og hlýtur hvor þeirra rúmlega 185 þúsund krónur, annar miðinn er í áskrift en hinn var keyptur í N1 á Húsavík.  

  • EuroJackpot - 1. vinningur til Finnlands
    EuroJackpot-fréttir

    Það var ljónheppinn lottóspilari í Finnlandi sem var aleinn með allar aðaltölurnar og báðar stjórnutölurnar og fær hann því 1. vinning óskiptan en hann var upp á rúmlega 3,1 milljarð króna.  Fjórir miðaeigendur skiptu með sér 2. vinningi og fær hver þeirra rétt tæplega 64 milljónir í vinning, þrír miðanna voru keyptir í Þýskalandi og einn í Slóvakíu.  

  • Heldur fast í hefðina
    Lottó-fréttir

    Báðir vinningshafarnir sem skiptu með sér 5falda Lottópottinum um síðustu helgi hafa gefið sig fram við Íslenska getspá.  Annar miðinn var keyptur í Krambúðinni í Firðinum, Hafnarfirði en hinn var keyptur í Lottó appinu og færðu þeir eigendum sínum rúmlega 30,2 milljónir - á mann. 

    Ungur fjölskyldufaðir sem keypti miðann sinn í Lottó appinu sagði tilhugsunina við að geta greitt upp lánin sín og þá sérstaklega húsnæðislánið væri virkilega góða. Óskemmtileg veikindi hefðu verið að ganga á heimilinu yfir síðustu helgi en það var fljótt að gleymast eftir að fjölskyldan uppgötvaði vinninginn í appinu. 

    Það var svo eldri maður sem var heldur betur glaðhlakkalegur þegar hann kom til Getspár ásamt dóttur sinni og 21. barnabarni en meðferðis var einnig vinningsmiðinn góði sem var keyptur í Krambúðinni í Firðinum, Hafnarfirði. Maðurinn er dyggur lottóspilari og spilar alltaf með sömu tölurnar sem hann merkir sjálfur á miðann með blýanti enda mikið fyrir að halda í hefðina þegar kemur að Lottóinu.

    Starfsfólk Getspár óskar þessum heppnu vinningshöfum innilega til hamingju með þessa glæsilegu vinninga og þakkar um leið veittan stuðning sem skiptir gríðarlega miklu máli fyrir öryrkja, íþrótta- og ungmennafélögin í landinu þar sem þau njóta góðs af sölu Lottós.

  • Vikinglotto - 2. vinningur til Noregs
    Vikinglotto-fréttir

    Enginn var með 1. vinning vikunnar og flytjast því rétt tæplega 2,2 milljarðar yfir á pottinn í næstu viku.  Heppinn Norðmaður var einn með 2. vinning og fær hann 33,7 milljónir í vinning.  Tveir skiptu hinum al-íslenska 3. vinningi á milli sín og fær hvor um sig rúmlega 2 milljónir í vinning, annar miðinn var keyptur í Hagkaup á Akureyri en hinn á N1 við Bíldshöfða í Reykjavík.  Fimm voru með 2. vinning í Jóker og fá þeir 100 þúsund kall hver, tveir þeirra eru með miðana sína í áskrift, einn keypti í Lottó Appinu, einn í N1 í Reykjanesbæ og einn í Plúsmarkaðnum við Hátún í Reykjavík.  1. vinningur í Jóker gekk ekki út að þessu sinni.

  • Vann 4,5 milljónir á Sunnudagsseðlinum
    Getrauna-fréttir

    Glúrinn tippari vann um 4,5 milljónir króna á Sunnudagsseðlinum þegar hann fékk 13 rétta, einn Íslendinga. Tipparinn notaði sparnaðarkerfið S 7-2-486 sem er nokkuð sterkt kerfi. Sett eru þrjú merki á sjö leiki og tvö merki á tvo leiki og eitt merki á fjóra leiki. Gangi kerfið upp eru 5,5% líkur á 13 réttum.

  • Milljólaleikur Getspár 2019
    Fréttir

    Íslensk getspá er með aukaleik frá og með 1. desember til klukkan 18:40 þann 28. desember.  Dregnir verða út 28 aukavinningar þann 28. desember, hver vinningur er EIN MILLJÓN króna. 

    Leikurinn hefst sunnudaginn 1. desember.

  • Lottó 5/40 - Tveir með 1. vinning
    Lottó-fréttir

    Tveir heppnir miðaeigendur skiptu 1. vinningi á milli sín og fær hvor þeirra rúmlega 30,2 milljónir króna í sinn hlut. Annar miðinn var keyptur í Krambúðinni Í Firðinum, Fjarðargötu 13-15 í Hafnarfirði og hinn var keyptur í Lottó Appinu. Einn var með bónusvinninginn og hlýtur hann rúmlega 776 þúsund krónur, miðinn var keyptur í Olís, Gullinbrú í Reykjavík.  Sjö voru með fjórar réttar tölur í réttri röð í Jóker og fá þeir 100 þúsund krónur hver. Miðarnir voru keyptir á eftirtöldum stöðum; Leirunesti á Akureyri, tveir á Vídeómarkaðinum í Kópavogi og fjórir á lotto.is.

  • EuroJackpot - úrslit 29. nóvember - 2ja milljóna Jókervinningur
    EuroJackpot-fréttir

    Fyrsti vinningur gekk ekki út að þessu sinni en fjórir skiptu með sér 2. vinningi og hlýtur hver þeirra rúmlega 60 milljónir króna, miðarnir voru keyptir í Finnlandi, Noregi, Þýskalandi og Danmörku. Fimm skiptu með sér 3. vinningi og fá þeir rúmlega 17 milljónir króna. Miðarnir voru keyptir í Póllandi, tveir í Finnlandi og tveir í Danmörku. Tuttugu og átta skiptu með sér 4. vinningi og þar á meðal var einn íslenskur áskrifandi. Þeir fá rúmlega 1 milljón króna hver.

  • Vikinglotto - úrslit 27. nóvember
    Vikinglotto-fréttir

    Hvorki 1. né 3. vinningur gengu út að þessu sinni, en miðaeigandi í Noregi var einn með 2. vinning og fær í sinn hlut tæplega 33 milljónir króna. Tveir voru með fjórar réttar Jókertölur í réttri röð  og fær hvor þeirra 100 þúsund krónur í vinning.  Annar miðinn var keyptur í Olís v/Tryggvabraut á Akureyri og hinn er í áskrift.