Í sumar mun Íslensk getspá vera með glæsilegan sumarleik þar sem við ætlum að bjóða heppnum Lottóspilurum í sitt eigið ferðaævintýri. Þegar 10 raða miði er keyptur í Lottó eða Víkingalottó fylgir sérstakur miði sem sýnir þitt lukkunúmer.

Það voru heppin hjón frá Suðurnesjunum sem komu til Íslenskrar getspár með vinningsmiða frá síðustu helgi uppá rúmar 23 milljónir. Heimilisfaðir fjölskyldunnar hafði brugðið sér inn í Brautarnesti í Keflavík á þjóðhátíðardaginn sjálfan og kippt með sér einum 10 raða sjálfvalsmiða.

Það voru hjón á besta aldri sem gáfu sig fram til Íslenskrar getspár með vinningsmiða í Víkingalottóinu uppá rúmar 98 milljónir. Þau áttu leið um Selfoss þegar þau komu við á Snælandi þar sem heimilisfrúin skrapaði saman síðasta klinkinu úr veskinu sínu fyrir 10 raða sjálfvalsmiða.