Fyrsti vinningur gekk ekki út að þessu sinni en sex miðahafar skiptu með sér 2. vinning og hlýtur hver þeirra rétt rúmar 42 milljónir króna. Miðarnir voru keyptir í Slóveníu, Svíþjóð, Finnlandi og þrír í Þýskalandi. Þá voru sex miðahafar sem skiptu með sér 3. vinning. Hver þeirra hlýtur rúmar 28 milljónir. Fimm miðanna voru keyptir í Þýslandi og sá sjötti var keyptur í Svíþjóð. 

Enginn var með allar tölur réttar og í réttri röð í Jókernum en tveir miðahafar voru með 2. vinning og hlýtur hvor þeirra 100 þúsund krónur í vinning. Miðarnir voru keyptir í Iceland í Glæsibæ og Corner shop á Laugarvegi. 

Enginn var með 1. vinning í útdrætti kvöldsins, en heppinn Pólverji var einn með 2. vinning og fær hann rúmlega 149 milljónir króna í sinn hlut. Einn var með 3. vinning og hlýtur hann rúmar 84 milljónir króna. Miðinn var keyptur í Eistlandi.
Tveir voru með 2. vinning í Jókernum í kvöld og fær hvor þeirra 100 þúsund krónur. Annar miðinn var keyptur í Fjarðarkaupum í Hafnarfirði og hinn er í áskrift.

Einn tippari á Íslandi var með alla leikina 13 rétta á Enska getraunaseðlinum síðastliðinn laugardag og fær tæpar 7 milljónir króna í sinn hlut.  Tipparinn tippar hjá Íþróttafélagi Fatlaðra í Reykjavík og hefur gert það síðastliðin 15 ár.  „Tipparinn kom til okkar fyrir 15 árum síðan með kerfismiða upp á 141 röð og bað okkur um að setja raðirnar inn vikulega. Þessar raðir hafa verið í kerfinu okkar allan þennan tíma og við höfum sett þær inn samviskusamlega síðan í hverri viku“, sagði Þorgeir Ingólfsson einn umsjónarmanna með getraunastarfi ÍFR. „Á laugardaginn þegar ég sá að það var ein röð með 12 réttum þegar síðasti leikur getraunaseðilsins var að hefjast tékkaði ég á hver það var og hafði svo samband við tipparann. Hann hafði ekki verið að fylgjast með, en varð ansi spenntur þegar ég sagði honum að hann væri með 13 rétta ef Newcastle myndi vinna Arsenal. Sú varð raunin og tipparinn tæpum 7 milljónum ríkari“ sagði Þorgeir. 

Til gamans má geta þess að kostnaður við seðilinn á þessum 15 árum er tæpar tvö þúsund krónur á viku eða rúmar 1,5 milljón króna samtals en auk stóra vinningsins hafa komið nokkrir smærri vinningar á hann í gegnum árin. Það má því segja í þessu tilfelli að þolinmæðin borgi sig.  

Sala getrauna hefur í fjölda ára verið mikilvægur þáttur í fjáröflun ÍFR og geta áhugasamir haft samband við félagið vilji þeir kaupa getraunaseðil í Enska boltanum eða gerast áskrifendur.  

Lottópotturinn verður þrefaldur næsta laugardag þar sem enginn var með allar tölurnar réttar í úrdrætti kvöldsins. Þrír heppnir miðahafar voru með bónusvinninginn og fær hver þeirra rúmar 174 þúsund krónur. Miðarnir voru keyptir í Fjarðarkaup, Hólshrauni 1b í Hafnarfirði, Olís, Álfheimum 49 í Reykjavík og Reykjavík food, Suðurfelli 4 í Reykjavík.

Fyrsti vinningur gekk ekki út í kvöld en fimm heppnir miðahafar voru með 2. vinning og fær hver þeirra rúmar 45,8 milljónir króna í sinn hlut. Fjórir miðar voru keyptir í Þýskalandi og einn í Svíþjóð. Tólf miðahafar skiptu svo með sér 3. vinningi og fær hver þeirra rúmar 10,7 milljónir króna í sinn hlut. Miðarnir voru keyptir í Póllandi, Spáni, tveir í Finnlandi, fjórir í Noregi og fjórir í Þýskalandi.

Hvorki 1. né 2. vinningur gengu út í Vikinglotto að þessu sinni, en tveir miðaeigendur skiptu hinum al-íslenska bónusvinningi á milli sín og fær hvor þeirra rúmlega  ­1,7 milljónir í sinn hlut. Annar miðnn var keyptur á lotto.is og hinn í Lottó appinu.  
Enginn var með allar Jókertölurnar réttar en fimm voru með 2. vinning og fá þeir 100 þúsund krónur hver. Fjórir miðar eru í áskrift og einn var keyptur á lotto.is.

Miðaeigandi í Münster í Þýskalandi hafði heppnina í sínu liði en hann var einn með 1. vinning sem hljóðaði að þessu sinni upp á tæpa 5,2 milljarða.  Þrír skiptu með sér 3. vinningi, fær hver þeirra 57,7 milljónir króna, tveir miðanna voru keyptir í Þýskalandi og einn í Finnlandi.  Þá voru átta miðahafar sem skiptu með sér 3. vinningi, fær hver þeirra 12,2 milljónir.  Þeir miðar voru keyptir í eftirtöldum löndum; Hollandi, Króatíu, Ítalíu, Svíþjóð, tveir í Þýskalandi og tveir í Ungverjalandi.

Enginn var með 1. vinning í Jóker en einn var með 2. vinning og fær hann 100 þúsund í vinning, miðinn var keyptur í N1 við Hörgárbraut á Akureyri.

Tveir seðlar voru með 13 rétta á Enska getraunaseðlinum síðastliðinn laugardag og voru báðir í eigu svokallaðra húskerfa sem mörg íþróttafélög hafa tekið upp á síðastliðnum árum. Annar seðillin var í eigu húskerfis Knattspyrnufélags Fjallabyggðar og er þetta í annað sinn í vetur sem safnað er í húskerfi og tippað. Fyrra sinnið var fyrir fjórum vikum síðan og þá sló kerfið líka í 13 rétta. Verður áhugavert, í ljósi góðs árangurs, að fylgjast með hvort stjórnendur húskerfis Knattspyrnufélags Fjallabyggðar láti áfram líða 4 vikur á milli þess sem þeir tippa á Enska getraunaseðilinn. 

Húskerfi Hauka var líka með 13 rétta á Enska getraunaseðlinum en Haukar hafa haldið úti öflugu getraunastarfi í mörg ár.  

Sunnudagsseðillinn gaf líka vel af sér og þar voru það Vestmannaeyingar úr KFS sem fengu 13 rétta og 900 þúsund krónur í vinning. Stuðningsfólk KFS hefur verið iðið við kolann og fengið marga stóra vinninga í getraunum gegnum tíðina.

Nú er vetrartíminn genginn í garð víðast hvar í Evrópu og hefur það áhrif á hvenær lokað er fyrir sölu í Vikinglotto, EuroJackpot og á Enska getraunaseðlinum og XG.
Lokað er fyrir sölu klukkan 17:00 á miðvikudögum í Vikinglotto, klukkan 18:00 á þriðjudögum og föstudögum í EuroJackpot.
Á laugardögum lokar fyrir sölu klukkan 14:00 á Enska getraunaseðlinum og XG.