Einn heppinn miðahafi frá Finnlandi var með 1. vinning í Vikinglotto kvöldsins og fær hann rúmar 562,3 milljónir krónur í sinn hlut. Þá var einn Norðmaður með 2. vinning sem færir honum rúmar 30,9 milljónir krónur. Tveir skiptu með sér hinum al-íslenska 3. vinning og fær hvor þeirra rúmar 860 þúsund krónur. Miðarnir voru keyptir á Lotto.is og í Lottó appinu.
Enginn var með allar tölur réttar og í réttri röð í Jóker útdrætti kvöldsins en fjórir miðahafar voru með 1. vinning og fær hver þeirra 125 þúsund krónur í sinn hlut. Einn miðinn var keyptur í Smára Söluturni, tveir í Lottó appinu og einn er í áskrift.