Hvorki 1. né 2. vinningur gengu út í útdrætti kvöldsins í Vikinglotto en þrír miðahafar voru með hinn al-íslenska 3. vinning og fær hver þeirra rétt rúmar 660 þúsund krónur í sinn hlut. Einn miðinn var keyptur í Lottó appinu en tveir eru í áskrift. Þá var einn áskrifandi með 4. vinning og fær hann tæpar 496 þúsund krónur í vinning.
Enginn var með allar tölur réttar og í réttri röð í Jókernum en tveir miðahafar voru með 2. vinning og hlýtur hvor þeirra 125 þúsund krónur í vinning. Annar miðinn var keyptur í Póló í Hraunbæ en hinn miðinn er í áskrift.