Stálheppinn miðahafi var einn með allar tölur réttar í Lottó útdrætti kvöldsins og hlýtur hann rétt rúmar 45 milljónir króna í vinning. Miðann keypti hann í Happahúsinu í Kringlunni. Enginn var með bónusvinninginn í útdrætti kvöldsins.
Einn heppinn miðahafi var með allar tölur réttar í réttri röð í Jókernum og hlýtur hann 2,5 milljónir króna í verðlaun. Miðann góða keypti hann í Lottó appinu. Þá voru sex miðahafar sem voru með 2. vinning og fær hver þeirra 125 þúsund krónur í vinning. Þrír miðanna voru keyptir í Lottó appinu, tveir miðar voru keyptir á heimasíðu okkar, lotto.is og einn miðinn var keyptur á Olís Hellu.