Fyrsti vinningur gekk ekki út að þessu sinni en fimm miðahafar skiptu með sér 2. vinningi og fær hver þeirra rúmar 57 milljónir króna í vinning.
Einn var keyptur í Þýskalandi, einn í Danmörku, einn á Spáni, einn í Slóvakíu og einn í Finnlandi.
Þá voru níu miðahafar með 3. vinning og hver þeirra hlýtur rétt rúmar 17 milljónir króna.
Sjö miðanna voru keyptir í Þýskalandi, einn í Grikklandi og einn í Hollandi.
Enginn var með allar tölur réttar og í réttri röð í Jókernum en tveir miðahafar voru með 2. vinning og fær hvor þeirra 125 þúsund krónur í vinning.
Einn miðinn var keyptur í Bitanum í Reykjanesbæ og einn miðinn var keyptur í Lottó appinu.