Fyrsti vinningur gekk ekki út í EuroJackpot að þessu sinni en fjórir miðahafar voru með 2. vinning og hlýtur hver þeirra rúmar 55 milljónir í vinning. Einn miðinn var keyptur á Spáni, einn í Svíþjóð, einn í Ungverjalandi og einn í Slóvakíu. Þá voru fjórir með 3. vinning og fær hver þeirra tæplega 31 milljónir króna. Þrír miðar voru keyptir í Þýskalandi og einn í Svíþjóð.
Jókerinn gekk ekki út að þessu sinni en þrír voru með 2. vinning og fær hver þeirra 125.000 krónur. Einn miðinn var keyptur á vef okkar lotto.is, einn í Lottó appinu og einn er í áskrift.