Fréttir

lotto

eurojackpot

Líf og fjör hjá Íslenskri getspá

29. May 2026, 14:31

Eldri hjón deila 336 milljónum með börnum og barnabörnum.

Það hefur verið líf og fjör hjá Íslenskri getspá í vikunni, enda hafa vinningshafar lagt leið sína á skrifstofu Getspár eftir stóra vinninga sem féllu um síðustu helgi.

Á föstudagskvöldið kom 2. vinningur í EuroJackpot til Íslands, rúmar 336 milljónir króna. Vinningshafarnir eru eldri hjón sem keyptu miðann sinn hjá N1 við Austurveg á Selfossi.

Maðurinn fór sjálfur yfir miðann eftir að hafa heyrt að 2. vinningur hefði komið til landsins. Þegar hann sagði eiginkonu sinni frá vinningnum trúði hún honum ekki í fyrstu og var sannfærð um að hann væri einfaldlega að grínast.

Hjónin sögðust þegar telja sig rík, enda eiga þau bæði mörg börn og enn fleiri barnabörn og lögðu áherslu á að það skipti þau mestu máli. Þau sögðust strax hafa ákveðið að deila gleðinni með sínum nánustu, enda gæfi það þeim enn meira að sjá börnin og barnabörnin njóta góðs af vinningnum.

Barnabörnin eru ýmist að stíga sín fyrstu skref á húsnæðismarkaði eða í námi, og því mun vinningurinn skipta sköpum fyrir marga í fjölskyldunni.

 

Vinningur sem kom á fullkomnum tíma.

Fyrsti vinningur í Lottó gekk út síðastliðinn laugardag þegar potturinn var einfaldur og nam vinningurinn rúmum 11 milljónum króna.

Vinningshafinn er ung kona rétt um þrítugt sem er með miðann sinn í áskrift. Hún er í fæðingarorlofi og sagði að vinningurinn hefði ekki getað komið á betri tíma og að hann myndi skipta miklu máli fyrir fjölskylduna.

Stutt er á milli barna hjá henni og því ekki langt síðan hún var síðast í fæðingarorlofi. Hún segir vinninginn muni gera þeim kleift að anda léttar og skapa meira svigrúm á þessum krefjandi en dýrmæta tíma í lífinu.

Við óskum vinningshöfunum innilega til hamingju og þökkum um leið fyrir veittan stuðning – sem skiptir gríðarlega miklu máli fyrir fatlað fólk, sem og íþrótta- og ungmennafélög um land allt, þar sem þau njóta góðs af allri sölu Lottó.

lotto

Lottó - 4. faldur næst!

Lottópotturinn verður fjórfaldur næsta laugardag þar sem enginn var með 1. vinning í kvöld. Fjórir miðahafar voru með bónusvinninginn og fær hver þeirra tæpar 162 þúsund krónur í sinn hlut. Einn miðinn var keyptur á Olís á Siglufirði, einn miðinn á vef okkar lotto.is og tveir miðar eru í áskrift. Einn var með allar töl... Lesa meira

eurojackpot

Úrslit í EuroJackpot 13. nóvember

Fyrsti vinningur gekk ekki út í EuroJackpot útdrætti kvöldsins en sjö miðahafar skiptu með sér 2. vinning og fær hver þeirra rétt rúmar 48 milljónir króna. Tveir miðanna voru keyptir í Þýskalandi, tveir í Svíþjóð, tveir í Finnlandi og einn í Ungverjalandi. Þá voru 27 miðahafar sem skiptu með sér 3. vinning og fær hver ... Lesa meira

eurojackpot

Úrslit í EuroJackpot 10. nóvember

Enginn var með 1. vinning í EuroJackpot í kvöld en einn heppinn miðahafi í Svíþjóð var einn með 2. vinning og hlýtur rúmar 229,4 milljónir króna. Sex miðahafar voru með 3. vinning og fá þeir rúmar 21,5 milljónir hver. Miðarnir voru keyptir í Danmörku, Svíþjóð, Spáni og þrír í Þýskalandi. Enginn var með 1. vinning í Jók... Lesa meira

lotto

Lottó - 3. faldur næst!

Potturinn stækkar og verður 3. faldur næsta laugardag þar sem enginn var með 1. vinning í Lottó útdrætti kvöldsins. Tveir skiptu með sér bónusvinningnum og fær hvor þeirra rúmar 448 þúsund krónur. Báðir miðarnir eru í áskrift. Einn Jókerspilari hreppti 1. vinning í kvöld og fær 2,5 milljónir fyrir það. Miðinn var keypt... Lesa meira

eurojackpot

EuroJackpot - 4. vinningur á Íslandi!

Enginn var með 1. vinning í EuroJackpot í kvöld en þrír skiptu með 2. vinningi og fær hver þeirra rúmar 95,2 milljónir króna. Miðarnir voru keyptir í Hollandi, Póllandi og Noregi. Þá voru fimm sem skiptu með sér 3. vinning og fær hver þeirra rúmar 32,2 milljónir króna. Þrír miðar voru keyptir í Þýskalandi og hinir tvei... Lesa meira

Viltu lesa meira?

Skoða allar fréttir